 Heeft U : een mooie spreuk , een verhaal(tje) , een “mupke” of iets dergelijks uit vervlogen jaren ?? Mail dit dan (onder vermelding van uw naam) naar ons : gaernaonaer@gmail.com *************************************************************************** 22 sept 2017 (121) Als iemand nogal uit de hoogte deed dan zeiden we: "Dae bekiektj de waereldj , vanoet zien naasgater" Een trouwe bezoekster. 31 mei 2017 (120) “ Dee miens van mich is zoa onhenjig, dee kan nog gein sjilderieke aane moer ophange……... as der `t ter aan kos lulle , den zoo `t zoa aanzitten….” Met vriendelijke groet Niek Beurskens 02 aug 2016 (119)  26 juli 2016 (118) Dèt is ein ! zag ulespegel en toe staok ter zien mooder ein aug oet Gr, Grad 19 juli 2016 (117) Wat een weer weer Zei de vrouw die aan de was was Ze zag 7 vliegen vliegen en er was één bij bij Ze vlogen langs de weg weg en ze daalden in Neer neer. Groetjes, Gerrit van Ratingen 12 juli 2016 (116) wat een weer. weer. zij de vrouw die aan de was.was. ze zag twee vliegen.vliegen. die vlogen over de weg weg. en kwamen in Utrecht .terecht. groetjes Toos van Pol belfeld. 05 juli 2016 (115) Danke leeve Hieerke Danke leeve vrouwke Danke ingelke zoet, die mich beware mot veur water en veur haostige daod veur alle ongelukke, Amen Leike lag ein eike, achter de kist,wao neemes ut wis kwaam ein kuukske, en pikdje um in zien buukske toe kwoom Maxegreet dae zag det is neet, toe kwoom dae van Verstappe, det zal ig verklappe toen kwaam Dignaas Sef mit de schoet, en joog ze allemooel droet. Gr, An van Lot vanne Vlaos 25 juni 2016 (114) Hallo, wie we klein woore en pap brag os no bed, zag der altied ein spannendj versje op en ein gebedje. Ig hub ut noets mieer gehuerdj, mam ken allein nog mer stukses. Zulle zeker miense zeen die het versje en gebedje nog gans kenne. Gebedje ging: danke leeve hieerke, veur water en veur Versje: Kentj eemes de ganse versie? Mail : gaernaonaer@gmail.com grtjs Con van Tom van Dignaas Sef 11 juni 2016 (113) Oos mam zag As der eine neeve kwaam dae get veul oet ha den zag men al gauw, Pastoor Smeets zag in mit de kermis inne kirk, ich wins uch fijn kirmisdaag en ich haop detj gae zoept wiej ein koe .. Den waas der efkes stil .. en den zag ter,as ein koe genog haet, sjetj ze oet. Gr. Dré ********************************************** 29 mei 2016 (112) Sjraake haaj bie Handrie mit stein oppe doeve gegoaid. Handrie zeet “ Sjra asse neet meer op mien doeve goaist kriese `n kwartje”. Zeet Sjraake tege zien vrindjes “ Wll se `n kwartje verdene ?… " Den mosse bie Handrie oppe doeve goaie”. Gr, Niek ************************************************** 21 mei 2016 (111) Ein aod versje Korneelie en Cornalie zooate op de stoep Korneelie zag wat stinkt het hieje Cornalie ha ge poept. Gr. Dre’ ******************************************************* 14 mei 2016 (110) Det waas mis zag de mol, en toen keidje der op eine vreut. Als ze iets aan het doen was en dat mis ging. Gr. Nelly 07 mei 2016 (109) Oos mooder zag: ’t Waer det wae de ieërste veer daag van noe leecht höbbe, det haoje wae de komendje veer waeke. (Noe leecht is nieuwe maan) Tjeu Hermans, Nuenen ********************************************************* 03 mei 2016 (108) Oos mam zag, kiek doa baove inne loch allemooel Kroene Krane en wae mer zinge Kroene Krane, witte zwanen Waem geit mit nao Ingelandj varen Ingelandj is geslaoten De sleutel is gebraoken Dao is geine tummerman Dae de sleutel make kan Kruip doren, kruip doren Van achteren naar voren. Gr. Dré ********************************************************** 26 april 2016 (107) Deze kieër zag neet oos mam, mer Jo vanne Smaed: As we vreuger onger ’t wanjele biej braomelte oet kwome en die honge get lieëg oppe grondj, dèn zag Jo vanne Smaed altiéd: “Dao mosse vanaaf blieve, die hange te zieër op pis-huegdje”. Groetjes, Gerrit van Ratingen ************************************************************ 16 april 2016 (106) As niet komt tot iet, kent iet zich zelve niet. Spriktj veur zich. Groete Leen vanne Knip. *********************************************************************** 02 april 2016 (105) Oos mam zag waem geit mit wanjele We woonjde tegeneuver die langboerderie van Foasse op Haonsum we leepe richting Maas bie ut Kruuts ginge wae rechts aaf, links de wooenje Koeabe Sjeng dao achter Nieeze Handrie onger in die lieegte wooendje Selties recht veur os oet laag het hoes van Kaalders Driek we ginge rechts aaf in het veld laag ut hoes van Peeters verder links wooendje Potte Frens en rechts Jaat mit Lappe Driek we ginge rechts aaf en rechts wooendje Zenne Tentje we ginge ut veurtje in, links Handrie en rechts Naus Kuuiéb we ginge links aaf doa wooendje Hoof Hannes en den Doaares vanne Baandj rechts Zeibe Naadje links Bukskes Graadje,en Sefke van de Baanjd en den rechts Verver Sef en we ginge links aaf en links woonjde Pooete Graad mit Pooete Beth en den Zenne en doa neeve Enkes tegeneuver de jongensschooel den links Magezien van Pietjes Sjang en Meister van Ratinge rechts de Kirk links de scheur van Spuitjes en Rechts Pietjes Sjang mit Lena, den links Ziepkes den links op de berg Ziepkes Geel en Tieneske, rechts Ziep doa achter Kakkie den Chris van Giesberts en Kafee Meurke, links Versteege en Kafee Tieske en Kapitein Sjang rechts Mélk Sjeng doa tegeneuver ut Kapelke den Zegere Deurke en rechts ut Kepelke van Siep, doanoa rechts aaf, links Segraad vervolgens Dingena van Piette Merte , de Klompemaeker en Wullem Dirkx en Marieke van Waals Kaat op hoesnummer 351 det waas oos hoes wou we woondje. Gr.Dre’ ************************************************************ 26 maart 2016 (104) Toontje van Wijers de oaje slechter van Boggeme zag altied als ein meadje van un joar of 15 ongewiljd zwanger waas gewoare tja det is de natuur de proeme zeen ierder riep den de neut Jos Wijers oet Boggeme ********************************************************* 19 maart 2016 (103) As eine noewsjièrig aan ’t hungere waas, zoea oos mam zekke “ Doot mèr neet zoea nuèzel, doe mos neet nao bekéndje waeg vraoge “. Bie väörbeeld, “ Waem is hiej ’t menke “.  Jaen Driessen ********************************************************** 12 maart 2016 (102) Mijn broer heeft/had een vakantiehuis op de Boukoul. Toen mam huërdje det häör vakantiehoes ,, de koekoek ,, kwoom te heite zag ze tege hem , vreuger wie ich oppe bewaarsjoeël zoot höb ich ein versje geliërdj det ging euver eine koekoek, Ich mot ins naodinke of ich det nog ken, efkes later, loester ; Eine koekoek haaj ein ei gelach Met vriendelijke groet, ********************************************************** 5 maart 2016 (101) Ein hieel aod versje: Ein, twiee, drie, veer, vief, De bekker slooch zien wief, Al met ein houte haemerke, ‘ t Blood leep door ‘ t kaemerke. Gr Leen ***************************************************** 27 febr 2016 (100) Oos mam zag : höpse dich genaepe, nae ich höp mich gesnae, wannier? ein paar daag gelae Peter Luijten, ************************************************************* 20 febr 2016 (99) Lèt op !!, dit zag neet Oos Mam. As eemes bang waas dét ze äöver hem zoa kénne kalle, wäördje wal éns gezag: “ Ze kénne baeter äöver diene fiets lulle, as äöver diene l..l fietse “. Oos Mam zoa hieop waal gezag höbbe: Dèt is noew rigtige mansluu kalle. Gr, Jaen *********************************************************** 16 febr 2016 (98) Naar bed naar bed zij duimelot Eerst nog wat eten zei likkepot Waar moet ik dat halen zei lange jan In grootmoederskasje zei ringeling Dat zal ik verklappen zei dat kleine ding. Gr. Dré *********************************************************** 06 febr 2016 (97) Onze vader, die in de hemel zijt, Die voor ons de krentemik snijdt, Snij ze niet te dik, Want ‘t is de laatste krentemik. Gr, Leen ******************************************************* 02 febr 2016 (96) oos moe zong altied dit leedje, Naer is ut sjoënste plaetske waat men zich dinke kan, dinke kan, En dae d’r oets gewaes is, dae reuptj en dae sjtuut d’r van Hoera waat bis doe fijn, al bisse nog zoë oelig klein, Alle minse die winse nog einmaol hiej in Naer te zien, Probere, amusere, Hoera Hoera Paula Knops-Theelen ********************************************* Het liedje van paula knops hebben we gezongen met de school . groetjes toos van pol belfeld ************************************************************ 26 jan 2016 (95) Volge’s mich echt get oet Naer euver eine Naerse waerse ?? Ester verzuuptj in de maas motte ze hum stroam in gaon zeuke! Graad *********************************************************** 19 jan 2016 (94) As vervolg op de oetspaok van Jaen en Pieter van Sef nog sterker: Det waas zonne toegenejje , dae heurje de peerikke neeste in de gronjd. Gr. Dré ************************************************************ 12 jan 2016 (93) As vervolg op de oetspraok van Jaen , nog sterker : Det is eine toegenejde, dao geit thoes niks droet as de rouk en dae wäördj nog gezeefdj !!!! Groete Pieter van Sef *********************************************************** 09 jan 2016 (92) As eemes verkesechtig waas en niks äöver ha väör anger luu, zag oos mam waal ins “Dèt is eine toegenejdje”, dae zeeftj zig de asse naog die oet de staof kome. Jaen, ************************************************** 29 dec 2015 (91) Oos mam zag: als se der eine leëts vleege : baeter in eine wieje weireltj Als je een wind moet laten : beter in een wijde wereld dan in een enge buik ***************************************************** 19 dec 2015 (90) Ein blindj verke vindj aug waal ins eine eikel. Eine sukkelaar heeft ook wel eens geluk. Graad ****************************************************** 15 dec 2015 (89) Eine knecht maog gein piep höbbe waal ein kniep. Een knecht mag geen pijp hebben wel een zakmes. gr GR@@D,,,,,,, ******************************************************* 08 dec 2015 (88) En vreuger kwaam ich duks bie Sijben oppe Baandj en as ich den achterom nao binnen kwaam en dao nemes waas den reep ich : " Toos waat busse doon ? " En den reep Toos van baove oet : " schjieten in de schjoon, waat alle hoonder doon " Groetjes, Miny Veugen ***************************************************************** 05 dec 2015 (87) Oos Pap zag : As wae vreuger op stap gingen zag Pap. Probeer ‘t dich neet jong want dich kins ut !! gr GR@@D,,,,,,,,,,,,, ********************************************************** 28 nov 2015 (86) Die Höbbe get aanne veut! Det zeen rieke miense! Kümptj volges mich van ut feit det vreuger veul miense heür geldj bewaardje in ’n trummelke aant vootènj in bèd. Vriendelijke groet, Cor ************************************************* 24 nov 2015 (85) Vreuger zag oos mam dukker ein versje op en det geit zoe : Hae zag waat zu zag, zoe zag zie haaj hae gezag, zo det zoe zeen det zie det zag det hae det zoe gezag zo hubben. En den sjnel achterein opzeggen. Groetjes, Miny Veugen *************************************** 21 nov 2015 (84) “ Vrouwluu henj en ein paersmoel, moge nooet sjtil sjtaon.” Gr Sjaak ******************************************************* 17 nov 2015 (83) Hub se Geldj Gr Harie ************************************************* 14 nov 2015 (82) Hiej en taege en dao en tusse , Haet nog mennig muuske gesjaete, Waat noe noch gein vutje haet ………… Als het nog lang duurde voor de geplande datum bereikt was. Sjaak, ************************************************ 10 nov 2015 (81) ‘Waat de vrouw in de sjolk droet dreugt, kan ich met Paerd en Ker neet der in bringe’ gr GR@@D,, ********************************************************* 07 nov 2015 (80) Toke …. ging nao dokter Winhorst met pien inne kael, Zaet Toke… kaelontstaeking , en den ein spuit inne vot ? Gr , Bert ********************************************** 03 nov 2015 (79) Oos mam zag zanik neet Wie we vreuger nao sjool ginge toen deeje we schievele , kulse, mit de knaptoet sjeete mer aug mit de iesdop (werptol) gooie mer ich ha der geine Zanik neet zag Mam en gank ter dig eine haole bie Hanssen Sjang det timmerfabriek aan de riekswaeg dao hubbe ze ein elektris fraismaschien wao ze die mit maake, ich doa heen Ome Sjang hub gae aug iesdop, jao Dreeske mer die kostte vief cent mer as doe wits wie’veul det vief maol viefentwintig is den kriesse dee veur niks, hongerd Ome Sjang den zik mer teege de meister (Havik) det ter neet kan reekene want zek het mer ins heul langzaam vief …….mooal…….. Gr.Dre ********************************************** 31 okt 2015 (78) Als iemand op latere leeftijd verliefd werd. ‘As aoj sjeure gaon branje, zeen ze slecht te blusse’ gr GR@@D,,,,,,, **************************************************** 27 okt 2015 (77) En oos pap zag : Dae haai vreuger ( Tjeu van Sjoekoeap ) in Grathem ein sjoemaekerie, as dao vreuger minse sjoon kwome bringe bleve die dök ore in de wirkplaats hange, wauwele, Mien vader zag de tege die miense, as Peter dalik bènne kumptj, vraog hem den woea hae van is, ich kwaam den aeve later bènne en den vroog de man mich, jông woea bös doe van,( ich woor toen ein jaor of 5 – 6 ) ich zag den, ich bön van Claar, mer dat moog ich nemes zègge, ( waas mich al ierder op gesteuktj ) Die den in de wirkplaats wore lachdje zich kapot, ich wist toen neet woearôm ze lachdje, gezeen miene laeftiet, mer as ich noe bie Claar kôm, zeg ich waal nog alteit ( met eine knipauch ) , daag mam Ôm het effe dudelik te make , Claar wirkdje bie ôs in het hoeshôje, , waas ein jaor of 18 en is de moder van Gé van Bosmans, auch al jaore inwoeanner van Naer. Met vriendelijke groet, Peter Luijten, *********************************************** 24 okt 2015 (76) Door de wèek wêurdje bij ôs saoves altied de roazekrans gebèedj en aaf en toe bèedje nog emes nao ’t leste kruusteiken nog nao: In de naam van de Vader, en de Zoon en de heilige Geest, Amen….. Groeten, Cor 20 okt 2015 (75) Oos mam zag, asse niks te doon höps mosse det hié aug neet kome doon. Groet, Jaen **************************************************** 17 okt 2015 (74) oos mam zag altiet as emes zich get haai gekochtj water eigelik neet nuuëdig haai, As wae det vreuger gedaon haaie, wore wae met de mösse de locht in gegange. Gr Peter ************************************************** 13 okt 2015 (73) “ Ze heat de oere weer inne nak liggen… ” Ze is weer slecht gehumeurd” Met vriendelijke groet Niek ****************************************************** 10 okt 2015 (72) As vreuger eine krank weurdje den zag men Det kumpt zo snel wie ein paerd Mer het geit te voot weg. Gr. Dré **************************************************** 06 okt 2015 (71) Waat ut vruike gaer maag, itj ut menke edere daag. Gr, Cor ****************************************************** 03 okt 2015 (70) Ein aod gezekdje van vreuger, mèr det guldj noew naog. As eemes zag, “det is enne gooje miens”, zag m’n, “wiezoea wetse det, höpse der al ins mèt gedeildj” ? Groet Jaen ***************************************************** 29 sept 2015 (69) oos mam zag altiet as emes zich get haai gekochtj water eigelik neet nuuëdig haai, As wae det vreuger gedaon haaie, wore wae met de mösse de locht in gegange. Gr Peter ******************************************************************** 26 sept 2015 (68) As ze vreuger blaefs zanikken om get gedaon te kriege van eemes, den kraegse soms as antjwoard, ,,Det doon ich zo gauw Poasmoandjig op eine deesdig vèltj”. Groeten, Cor Red: Deze “Oos mam zag ..” is gister De 4de beller haaj al inne gaate det dit oet Naer kwaam !! *********************************************** 22 sept 2015 (67) oos mam zag altiet as emes zich get haai gekochtj water eigelik neet nuuëdig haai, As wae det vreuger gedaon haaie, wore wae met de mösse de locht in gegange. Gr, peter ****************************************** 19 sept 2015 (66) As eemes zien werk leetj ligge en neet aafmeuktj, zaet men “ Hae leetj ’t mets in ’t verke staon “. In Helje höbbe ze dao einne variant op , dao neume ze det “ ’t liektj wal de onvoltooidje Noordervaart “. Gr , Jaen ********************************************** 15 sept 2015 (65) Wils ze blieve ein blank kindj wacht dich veur Mieertse Zon [Maartse] en Prilse Windj ![Aprilse] Harie ************************************************* 12 sept 2015 (64) “ Mooder ich hub boekpien….” “ Bun mer blie desse `nne boek hubs, anges valle dich de botterhamme zoa inne boks…" Gr Har, **************************************************** 05 sept 2015 (63) Oos Pap zag vreuger as wae aan `t aete woare en wae haaje os get te veul opgesjuptj. En wae `t neet op koste , zeen de ouge groeter as de boek? Gr. Har *************************************************** 01 sept 2015 (62) Oos mam zag: Ein gehamerslaegerdje locht {schaapjes}en ein geblangketj {gepoeierdj} maetje dore neet lang Gr, Harie ********************************************************** 29 aug 2015 (61) De twee jongens stonden op maandagmorgen met een flinke kater in het veld te werken, na een avond fors stappen. Zegt de een “ Heer laat het gauw avond worden…” Zegt de ander “ Heer als het kan nog voor de middag..” Met vriendelijke groet Niek *************************************************************** 25 aug 2015 (60) Een liefhebber van paarden, heeft de hemel op aarde. Doch komt hij te sterven, valt er niets te erven. Groeten, Cor ***************************************************** 18 aug 2015 (59) Donderdag oh donderdag, gij schoonste aller dagen, des morgens nog een halve week, des avonds slechts twee dagen. Gr , Cor ***************************************************** 15 aug 2015 (58) Vreuger als kindj den zonge wae van Ringele rangele rooze Gr.Dre’ ************************************************* 11 aug 2015 (57) As wae vreuger , mien broor en ich, get haje oetgevraete, krege wae allebei eine drej ôm oos oere. as ich het den neet gedaon haai en det tege häör zag, zagse altiet den höpse ze noe gekrege veur dae kier det ze ut waal gedaon haats en geine drej ôm die oere höps gehatj. Met vriendelijke groet, *********************************************** 08 aug 2015 (56) Als vroeger thuis een onzekere situatie werd besproken en het nog alle kanten op kon gaan, Zei mijn moeder wel eens: ‘Det zitj nog in eine wieje zak”. Groeten Cor , *************************************************** 04 aug 2015 (55) Paose vreug , of laat .. Paose haet de zomer aan ’t gaat !!! ******************************************************* 01 aug 2015 (54) As wae vreuger , mien broor en ich, get haje oetgevraete, krege wae allebei eine drej ôm oos oere. as ich het den neet gedaon haai en det tege häör zag, zagse altiet den höpse ze noe gekrege veur dae kier det ze ut waal gedaon haats en geine drej ôm die oere höps gehatj. Met vriendelijke groet, ******************************************************** 25 juli 2015 (53) Miense mit eine kaale kop, schaam uch dao neet veur Want God schiep enkele perfecte personen En de rest bedekte hij met haar.
Gr.Dre **************************************************** 18 juli 2015 (52) oos mam zag vreuger alltiet : van wirke is nog noeats emes doead gegange, Met vriendelijke groet, Peter Luijten, *************************************************** 14 juli 2015 (51) Neet oos mam, mèr den aoje dokter Windhorst zag ens: De boere klage över de dreûge zomer van 1967 groetjes, Gerrit ************************************************************************** 11 juli 2015 (50) Oos mam, ( Neelke van Körvers Lèn ) zag vreuger altiet : Det is begiene werk, ( hiemèt bedoeldje ze , det is slordig gemaaktj, ônkundig gemaaktj ) Zelf waas ze hieël presies, waas vreuger nejster, maakdje op haör 92 ste nog 5 zwarte piete pakke veur het verzorgingshoes in Wèssem, Haaj op häör kamer 2 nejmesjiener staon, Gr Peter ********************************************* 07 juli 2015 (49) Wirk om te laeve Laef neet om te wirke Gr. Dre Dirkx ******************************************************* 04 juli 2015 (48) Met deze warme temperaturen herinner ik me de volgende uitspraak van mijn vader. As der eemes klaagdje äöver het werme waer zag Pap altied: “dao mosse ieskaod onger blieve”! Met andere woorden, als je je rustig houdt heb je er minder last van. Groetjes, Bep *********************************************** 27 juni 2015 (47) As der emes ernstig krank waas, den kwaam zowaal de docter as de pestoeer. Kwaam dae emes te euverlaeje, den kraeg de docter de sjultj. Weurdje hae of ziej baeter .. den waas der ein wonjer gebeurtj !! Gr. Karel Henderikx ********************************************** 20 juni 2015 (46) Oos mam zag vreuger altiet : hoeavaart môt pien lieje, ( asse get woois bereike môsse der get veur euver höbbe ) Peter Luijten, Wessem ************************************************* 13 juni 2015 (45) Luyten sjeng van hoanssum kwaam nao de hoogmis op zunjig altied ein borreltje drinke bie An en Wie vanne klomp (mien pap en mam).hae blaef den auch altied bie oos aete. Oma haaj genoog gemaaktj. Wae zoote al te wachte wies det d'r met de kop om de keukedeur keek. En den zag ome sjeng eedere zunjig hetzelfde versje op. GOD ZAEGENE UCH MET HET AETE, DANKE, MAET DRAAN, MERCÌ, MER DET ZAEK ICH NOG NEET. en dan begon hij hartelijk te lachen. Groetjes Petra Peeters (vanne Klomp) *************************************** 09 juni 2015 (44) Pedrowenski Koelewenski Op zunjigmiddeg waerdje biej Enkes auch oppe tied gegaete, daonao zoogs ze Harie en Lies ein tiedje neet. Den ging de radio aan op Radio Luxemburg oppe middengolf. Dao waas van ein toet drie oor nederlands eurke, met om ein oor de Stuyvesant-Top20 met als diskjockey Pedrowenski Koelewenski, ofwaal Peter Koelewijn. Den kwaame altied de vrinj van Piet en Har (Haya waerdje toen altied gezag trouwes), de keuke leep zoea vol mit 't volk. Nao drie oor waerdje de platenspeler ingesjakeld en kreaeg de noetste hits oet dae tied, we sjrieve midden jaore zestig, vrie baan. Den kos 't volume auch gerustj get helder, dao meujdje Harie en Lies zich neet mit. De volgendje daag as Toke kwaam mos 't toch altied effe meldje det dae muziek (waat des muziek zag Sjeng den) toch waal hel ging weer op zunjigmiddeg. Biej de platen die gedrejd waerdje waas altied waal get Cool-Jazz, hieël populair in dae tied; biej Enkes heet det trouwes Coppus-meziek, want diej haje dao altied wal plate van biej zich. *************************************************** 06 juni 2015 (43) Onlangs viel me nog een uitspraak te binnen die mijn moeder wel eens gebruikte als reactie op een lastige vraag: ,,We zôlle ins kieke, den kênne we den nog zeen” . Gr. Cor ********************************************************* 26 mei 2015 (42) Oos Grootje (Oma) zag teege Mooder (Mam) De vreumês (vroege mis) kumpt tig onger de homês (hoogmis) oet Det wilt zaege de ongerrok kumpt onger het kleid (jurk) oet. Gr. Dré ******************************************************** 23 mei 2015 (41) Herie van Enkes slachtje auch. As ich sjrief Herie van Enkes den mot ge auch laeze Lies van Enkes want diej haaj dao net zoeaveul plezeer aan as Harié. Ze zag wal "noe plaog die jonge neet zoeah", mer ongertösse.... As 't biej Enkes sljachttied waas den zoogs ze Piet zeker 2 daag zoget neet, dae mos dao niks van höbbe; ich waas toch al altied biej Enkes, mer met sjlachte zeker. Dao gebeurdje van alles, van 't sjeete van 't verke, toet 't worstmeulke drejje en zoea wiejer. Nae Piet dae waas den biej Hanneke (Strous) inne Goat; die woeandje in ein hieël klein huuske achter van Heugtes-Sefke. Piet mool auch altied de koffie veur Hanneke, want biej Enkes haaje ze eine electriese koffiemeule, mer auch eine keulkast en tellevisie haaje ze dao vreug. Op woonsdig middag zaate de kinjer vanne buurt allemaol inne kamer biej Enkes nao Tante Hannie en Dappere Dodo te kieke, as voetbal waas van biejveurbeeld Nederland-Belsj den zaat de halve buurt dao. Koffiemeule diej haaje ze biej Oma naeve os auch; op eine zaoterdigmiddag ging de sireen van de brandjwaer aaf ('t waas die koffiemeule!) en oos Pap rendje in de lang ongerboks (hae waas zich net aan 't wasse) nao de brandjwaergaraag, diej toen noch biej Tatte-Doear inne Steeg waas. Nao 5 minute kwaam der truuk, hae vondj 't al raar det der neems anges zoog dao; Thei Simons b.v. woandje ein paar deure wiejer. Det haet der noch wal dökker motte heure, det van die sereen.... ********************************************** 20 mei 2015 (40) Mijn moeder zei wel eens {Met dae besse nog neet in ool euver] Daar bedoelde ze personen mee die stijfkoppig waren waar je niet zo makkelijk gelijk van kreeg. Gr Nic van Dael *************************************************** 17 mei 2015 (39) hallo .gisteren deed ik boodschappen en was ik iets vergeten . dus moest ik terug naar de winkel. als wij vroeger iets vergaten werd er gezegd. wat de kop vergeet moeten de benen misneten.
toos van pol belfeld. ***************************************************** 12 mei 2015 (38) Oos Mam zag ins Kom neet thoes mit emes van ein anger geloof want twië verschillinje geloven op ein kusse doa sjlaopt de duvel tusse. Gr. Dré ************************************************* 09 mei 2015 (37) Sjem en waofels Haaj ich al ens gezag det Harié van Enkes waal in waas veur ein grepke? Biej Enkes waas altied aanloup, de ganse daag door. Zoea kwoome auch de vrinj van Piet waal dökker; eine daovan, dae leustj dit zeker, heet Peter(T..) en dae kwaam ins onger 't aete. Dao sting ein klein pötje oppe taofel waovan d'er toch wal gaer wistj wet det waas. Och zaet Harie, des is noewe sjem, dae is hieël lekker. Peter kraeg ein botterham met dae noewe sjem (diek derop det spriktj), hae naom eine groate hap oet diej botterham en zal de sjmaak van dae sambal, det waas 't dus, noew nog wal ins preuve dink ich.... Mit aod op noew heel die vrinjeclub van Piet door biej Peter toes. Biej Enkes waerdje de waofels gebakke en tsja dao mos get mit. Dao weurdje dus inne waofel, dae Peter kraeg, eine poetslap ingebakke. Smakelikke! ***************************************************************** 05 mei 2015 (36) Saoves drónk mam geine koffie toes of asse örges haer góng, den kós ze later neet goot sjlaope. Ze zag den nae danke geine koffie mieër, want den kan ich straks de kop weer inne gaffel hange. !! Groetjes Sjra ****************************************************** 02 mei 2015 (35) As ich vreuger met oos oma nao tant van Enkes ging en dao achter de keukentaofel op de bank mos blieve zitten den woore die 2 zich get aan 't vertellen en tant van Enkes goof altied as antjwaord : " ha det zegtj der good " ! Gr Miny ********************************************************************** 28 april 2015 (34) Harie, nae Toke van Enkes zag... Biej oos waas 't altied Aome en Tant van Enkes, Harie en Lies dus, mer 't waas Toke en Sjeng, diej heette neet Aome en Tant, waorom det dit zoea waas weit ich neet. Terwiel ich meistal biej Harie en Lies waas, waare mien breurs weer mieër biej Toke en Sjeng. Toke deej os dökker vertelle aover de Kebouterkes, waat diej allemaol deeje en zoea. Die Kebouterkes, die waondje biej Toke inne slaopkmaer, dao waas ein kloes inne moor ingebouwtj en dao zaate diej dus. Det höb ich toch wall lang veur waor gehaoje, want To wistj dao van alles van te vertelle. Diej Ketourkes deeje auch de kaopere kaetels poetse, mer ja, det geluifdje wae neet zoea gans, wae zoge To dökkers zelf poetse, want met de koestal grenzendj anne keuke mos det oppe tied gebeure. Volges Toke kwaame die Kebouterkes oet 't Leudaal, mer wiej diej den gans inne Steeg kwoame??? ********************************************************************* 25 april 2015 (33) Det steit wie ein tang op ein verke b.v. kleijer die neet bie mekaar passen Gr. Dré ****************************************************** 21 april 2015 (32) Harié van Enkes zag.... des doe det its  Aan zoget haaj dae de groeatste aard aan. Mer och die kinjer waare meistal auch waal get gewintj van hoes oet. "Overblijfkinderen" al lang veur det det woard oetgevonje waas! ******************************************************* 18 april 2015 (31) As der vreuger dinge inne gezèt sjtónge van b.v vechtpartieje of baldadigheden , of weer örges eine äöverval , den zag oos mam dökker asse dao mit eemes äöver sjtóng te kalle .!!! Jóng doe zuus wal, oze leeve hieër haet allerlei kosgengers , mer gein die neet aete. Groetjes Sjra. *************************************************** 14 april 2015 (30) Eine door de waekse Zunjig … Eine Zunjig zonger sjoeën haemdj !! Sjaak **************************************************************************** 11 april 2015 (29) As wae ’t vreuger oos mooder wal erg lestig gemaaktj haaje, zag ze... Ich wins uch nao de Mokerhei,
Peter van Neelke van Körvers Lèn en van Tjeu van Sjoekoeap. ******************************************************** 07 april 2015 (28) LOUP NÒ DE POMP AS ZE WILS., GRT PETER van bekker Lei ******************************************** 04 april 2015 (27) Néét Oos Mam zag, mer Herie van Enkes zag: As Herie op zonne daag wiej 't net gewaes is waas (1 april) reep der eine sjoealljong dae aanne meule kwaam biej zich veur ein kerweike, hae kos den auch ein dubbeltje verdeene. Herie stjuurdje um d'erop oet om de oetgeleindje electrische kerboettang te gaon haole, die waas den, puur toevallig, biej Spekkers op Maaswienerte. Nou dae jong rap oppe fiets derhaer, ein dubbeltje waas zoa verdeendj. Mer feng alla, dae jong kumptj biej Spekkers, die wiste geliek wiej laat 't waas, geweun auch gans toevallig waas diej electrische kerboettang weer oetgeleindj aan b.v. Kapper van Dijk of Jo vanne Smaed. Dao aangekome wiste ze zonne jong den wal weer orges op Brummendj aan te sture of nog wiejer weg. Det doordje netuurlik toet det dae jong auch get inne gate kraeg, mer as der noch de mood haaj um nao Enkes truuk te gaon kraeg der zien dubbeltje waal, mer dae haaj zien lesje gelieërdj. Och en 't jaors drop waore wal de glazere klompenaegelkes op en anges veel Herie wal get anges in, det sprikt. ***********************************************************
31 maart 2015 (26) Aan edere vinger eine Maar onger de erm geine Dorien Gubbels ********************************************* 28 maart 2015 (25) D’n eine sjeurt de sjaop, d’n angere de verke, En den duvel sjiet op den groatste houp! Harry Putters ******************************************** 24 maart 2015 (24) Oos Mooder zag Vrauluuj henj en paerdstenj mogen noeêt stilstoon vlot mit de henj, vlot mit de tenj.
Dre ************************************************************************** 21 maart 2015 (23) Mijn moeder zei: waat hubse aan ein ker gooi minse Zei bedoelde daar mee wat heb je aan mensen die overal ja en amen op zeggen Gr Nic ************************************************************ 17 maart 2015 (22) Oos mam zag vreuger as zu der eine kós dae neet gaer wirkdje ; Det is der aug eine dae lins oppe rok haet. Sjra Smeets ******************************************************** 14 maart 2015 (21) In dae tied det der nog geine keulkast, diepvries en supermertj waas “Waat zeen die der neet altied gewaestj”?, “Nae die zeen der neet altied gewaestj” effeng, toen waerdje der gekaoktj nao waat ’t seizoen bragt. 
Woea op oos Mam dèn steevast zag “Leeverkeukskes wäöre hiej neet gebakke”. Jaen Driessen 10 maart 2015 (20) Wilse weûre ei net kindj, Hoad dich oet de miërtse zon en de prilse windj! Cor Wagemans ********************************************************************************************* 07 maart 2015 (19) Oos mam zag ins. Dao hubse geldj. (Bie elke zin in de hanjd sloan Bie het laetste woard in de hanjd kietelen). Gr. Dré Dirkx ********************************************************** 03 maart 2015 (18) Sjud ut water van de gekaokdje aerpele euver ’t mierenest..
En de miere kome neet meir truuk !! ********************************************************* 28 febr 2015 (17) de man dinkj det ter ut wetj,maar de vrouw wetj ut baeter.
Peter van bekker Lei 24 febr 2015 (16) Jong mösse vingse met kaaf. As wae get oetgevraete haaie kwaam Mam op ein slinkse maneer drachter waem ut gewaestj woor. gr GR@@D,,,,,,,, ******************************************************* 21 febr 2015 (15) Bekker, schiet lekker schiet olie en kook, drie maol gebakken en nog neet good. Peter van bekker Lei 17 febr 2015 (14) Een gevleugelde uitspraak van Sjengske ,de zadelmaeker, Mijn God mijn God waarom hebt Gij mij
verlaten
Grad Custers ******************************************************* 14 febr 2015 (13) Lank en smaal , det stijd zoe kaal ,
mér de middelmaot die siertj de straot. ************************************************************************************* 10 febr 2015 (12) Zoa rondj de vastenaovendj, aeve neet waat oos Mam zag, mèr ein mupke. Haarie, eine altiëd good gemötsdje losbólle, hae kós gein drie zinne zèkke of dao zoot
altiëd waal sjuune kal bie.  Dèt is goot vruike zaet Haarie, “Wanniër doon we ’t Weer” Waer of gein waer …………………
Jaen 07 febr 2015 (11) mag het ook iets zijn wat oos pap zij.als wij vroeger over iemand praten die moest trouwen zij mijn vader altijd . ben maar stil jullie zijn ook nog niet de maas over. groetjes toos van pol belfeld. ******************************************************************************* 03 febr 2015 (10) Oos mam zagd ins Dao ha der eine op ein paerd gerae gr. drè dirkx ************************************************************************************ 31 jan 2015 (9) Oos mam heur mooder zag vreuger al: Men mot de miense neme zoeë asse zeen En neet zoeë asse zooje motte zeen. met groet Koos , ************************************************************************************ 27 jan 2015 (8) *Moder zag dae haet het neet aan 70. Dit zei ze wel eens als er gepraat werd over iemand die het zwaar had b,v. door ziekte armoe of iets anders. Maar nu nog een vraag waarom niet aan 70 of een ander getal ?? Mail : gaernaonaer@gmail.com Dit gezegde wordt in Kessel bij mijn weten niet gebruikt maar in Neer wel
Gr Nic van Dael Kessel Eik ************************************************************** 24 jan 2015 (7) Oos mam zag; Esse allemaol woore zo wie ich mos zeen den woore ze good. Grs, Marian Driessen ***********************************************************
20 jan 2015 (6) Aod gezegde “ Veugelkes die vreug fluite vingtj
de kat “ ************************************************************************** 17 jan 2015 (5) ,,Dreij de lamp mer oet wae zólle `t leeg aevel waal op kriege,, Ein steevas gezèkdje van oos moder. Grad ********************************************** 14 jan 2015 (4) Wie eine jong vroog aan ’n maedje, wilse vanaovendj mèt mig oet, zag dèt ja ja, mer ’t zag neet Jao. Groet Jaen *************************************************************************** 10 jan 2015 (3) Om de haverklap doet hij het “ Alle hoensgezeike duit
ter ut " *********************************************************** 06 jan 2015 (2) Ein aod gezèkdje “As de ein koe pistj, stikt de anger de stert op” . Dit wiltj zèkke, as de eine get haet mót de angere det aug höbbe. Gr Jaen ************************************************************** 03 jan 2015 (1) Oos mam zagd Ein gehamerslaegerdje locht {schaapjes} en ein geblanketj {gepoederd} maetje dore neet lang Harie van Pietjes **************************************** |
  |
|